منتديات ابو مثيم دوت كوم ترحب بكم


    حامد زيد : الحلم

    شاطر
    avatar
    x.X.x
    نائب المدير العام

    ذكر عدد الرسائل : 107
    تاريخ التسجيل : 28/02/2009

    حامد زيد : الحلم

    مُساهمة من طرف x.X.x في الأربعاء مارس 25, 2009 4:56 am

    الحلـــــــــــــــــــم

    بوقت من البطا وبليل تتراقص شياطينه
    بعد شفت الضيا ينزع من ثياب المسا ثلثين
    تحايلت المنام اللي مثل بيتك تمرينه
    وانا اللي من تفارقنا وانا ما غمضت لي عين
    قبل يومين شفتك بالمنام وقمت من حينه
    ونمت امس ورجع نفس المنام اللي قبل يومين
    انا اللي قبل اسافر شلت قلبي من شراييني
    تركته في يدك مثل الأمانة واحفظيها زين
    ترى حفظ الأمانة دين مجبورة تردينه
    اجل مافي احد قد قالك حفظ الأمانة دين
    مرد القفي بيلفي ويستوفي وتوفينه
    بعد ليلة ثلاثة أربعة عشرة شهر شهرين
    إذاأنت منت بقد الكلام اللي تقولينه
    حرام استأمنك حاجة وإذا جيت اطلبك تنسين
    تخونين وتبين أرضى واحد يرضى تخونينه
    أنا لجيت أخونك مع حبيبة ثانية ترضين
    من اول مارجعت من السفر ماشفتلك بينه
    وأنا اللي كنت أحسبك قبل ادوس أر المطار تجين
    تكونين أنت اول شخص عيني تحتضن عينه
    وكنت أتخيلك من زود فرحة رجعتي تبكين
    واشوف بدمعتك حكيك وأعرفه قبل تحكينه
    واجيب أحلى من اللي بتحكينه واتركك تحكين
    تقولين الوطن نور وأقول بنور مضوينه
    تقوللي غديت أحلى وأقول عيونك الحلوين
    كلام نام بشفاهك وخفت لتصحينه
    ذخرتيه الغرام اللي ينام ويتركك تصحين
    تغانمت غيابي لين رجحتي موازينه
    تعلم من يدك لمس الكفوف وعلمك تجفين
    وليتك لاقية به شي فيني ماتلاقينه
    ماهوب بغرور لكن خابرك مالك أمل تلقين
    تغافلك بغلا والحلا ماهوب من زينه
    تزينه الصور والصحيح ابن الحلال زوين
    وأنا ماني بناقص عنه يوم أنك تبدينه
    نصيبي هو نصيبي لو يسددها من الصوبين
    قنوع بمظهري ووالسم مايذبح ثعابينه
    على قول المثل مان بحلو لكن ماني بشين
    إذا أهدك الزهر مرة فأنا أهديتك بساتينه
    وإذا ألهاك سهر ليلة فأنا تهت لباك سنين
    وإذ أستضعفتك أملاكه وشتتك ملاينه
    أنا حتى فتات الخبزة أقسمها معك نصين
    طموحي بس أجي وأضفر بشي تستحقينه
    تدينته تسلفته سرقته مو مهم من أين
    كأني منكثر مأرضى بكل اللي تمنينه
    لو أنك تطلبين الله يعنيني بأقول أمين
    أنا مألعب على الحبلين وقت الطيش وسنينه
    تبين الحين يوم أني كبرت أعب على الحبلين
    ترى عند البدو بذات عيب اللي تسوينه
    حلاتك لعشقتني تعشقيني ليوم الدين
    غرام نسكن ضلوعه حشيمه من مجانينه
    جفا يجمع معزتنا ولا عشق يذل أثنين
    كثار اللي تحدوني وقالولي تحبينه
    أمانة لا تخليني صغير بعينهم تكفين
    لأني كل ماقالوا تخون أقول مسكينه
    عليك الله وأمانة علميهم من هو المسكين
    أنا خايف اليا طاح الجمل تكثر سكاكينه
    وأنا ماعادت ضلوعي تحمل طعنت السكين
    مثل ماقالوا الكتوب واضح من عناوينه
    لوأرحل منك للغربة بسافر من ضلامك وين
    كفاية كل حلم يمر برقادي تزورينه
    كفايه من تفارقنا وأنا ماقمضت لي عين
    قبل يومين شفتك في المناموقمت من حينه
    ونمت أمس ورجع نفس المنام اللي قبل يومين
    avatar
    MR.DEVIL
    عضو ذهبي
    عضو ذهبي

    ذكر عدد الرسائل : 298
    العمر : 35
    الموقع : http://abomthim.3arabiyate.net/profile.forum?mode=editprofile
    المزاج : رايق
    تاريخ التسجيل : 01/03/2009

    رد: حامد زيد : الحلم

    مُساهمة من طرف MR.DEVIL في الأحد مارس 29, 2009 2:59 am

    صح لسانك ولا هنت
    avatar
    ريم الفله
    عضو فصي
    عضو فصي

    انثى عدد الرسائل : 232
    العمر : 27
    المزاج : مزاجيه
    تاريخ التسجيل : 02/03/2009

    رد: حامد زيد : الحلم

    مُساهمة من طرف ريم الفله في الأربعاء مايو 06, 2009 7:18 pm

    يسلمو ع القصيدة

      الوقت/التاريخ الآن هو الإثنين يوليو 16, 2018 12:35 pm